Dende a Produtora Cultural Toxo Verde decidimos ofertar unha variedade de obradoiros para os institutos, escolas ou asociacións que teñan interese en incluír algúns destes contidos na súa programación.
Que obradoiros ofrecemos en Toxo Verde?
Sobre todo relacionados coa música galega, o cinema galego e o audiovisual. Deste xeito tentamos achegar e dar a coñecer o noso sector a mocidade.
Algún dos nosos obradoiros son: Músicas Galegas (con Rodri Míguez), Os camiños que abriu Ana Kiro, O cinema galego e o novo cinema galego; Obradoiro práctico de audiovisual; O monte e o audiovisual.